İstanbulun ürəyində dünya səviyyəli təhsil

Boğaziçi Universiteti 1863-cü ildə ‘Robert College’ olaraq təsis olunmuş və 1971-ci ildən dövlət universiteti statusunda fəaliyyət göstərir. Universitet, Türkiyənin ən prestijli ali məktəblərindən biri kimi tanınır və bütün proqramlarında tədris dili ingilis dilidir. Bu xüsusiyyəti ilə Boğaziçi həm yerli, həm də beynəlxalq tələbələr üçün qlobal səviyyədə rəqabətədavamlı bilik və bacarıqlar təqdim edir.

Boğaziçi Universitetində 6 fakültə, 6 institut və çoxsaylı tədqiqat mərkəzləri fəaliyyət göstərir. Xüsusilə mühəndislik, təbiət elmləri, iqtisadiyyat, idarəetmə, humanitar və sosial elmlər sahələrində güclü proqramlara sahibdir. Universitet həmçinin Erasmus+ və ikili diplom proqramları ilə beynəlxalq tələbələrə geniş imkanlar təqdim edir. İstanbulun mərkəzində yerləşən kampus isə həm tarixi gözəlliyi, həm də müasir infrastrukturu ilə tələbələrə unikal təhsil və həyat təcrübəsi qazandırır.

Niyə Boğaziçi Universiteti?

Çünki Boğaziçi Universiteti akademik mükəmməlliyi, beynəlxalq əlaqələri və tələbəyönümlü mühiti ilə seçilir. Universitetin güclü məzun şəbəkəsi, ingiliscə tədrisi və qlobal əməkdaşlıqları tələbələrə beynəlxalq karyera üçün geniş imkanlar açır.