Mühəndislik və Texnologiyada Dünya Səviyyəli Təhsil

İstanbul Texniki Universiteti (İTÜ) 1773-cü ildə yaradılıb və bu gün dünyanın ən qədim texniki universitetlərindən biri kimi tanınır. İTÜ mühəndislik, memarlıq, təbiət elmləri, dənizçilik, musiqi və incəsənət sahələrində güclü akademik ənənəyə sahibdir. Universitet texnologiya və innovasiya yönümlü tədris modeli ilə tələbələrə nəzəri biliklərlə yanaşı, praktiki bacarıqlar da qazandırır.

İTÜ 5 kampusda fəaliyyət göstərir və müasir laboratoriyalar, araşdırma mərkəzləri, texnopark və startap inkubatorları ilə tələbələrə geniş imkanlar yaradır. Əcnəbi tələbələr üçün ingiliscə tədris proqramları, türk dili hazırlıq kursları, Erasmus+ və ikili diplom imkanları təqdim olunur. İstanbulun mərkəzində yerləşən İTÜ tələbələrə zəngin akademik mühitlə yanaşı, sosial və mədəni həyat da təklif edir.

Niyə İstanbul Texniki Universiteti?

Çünki İTÜ həm zəngin tarixi, həm də müasir texnologiya yönümlü yanaşması ilə Türkiyənin və dünyanın ən prestijli texniki universitetlərindən biridir. Universitetin güclü beynəlxalq əlaqələri və qlobal əməkdaşlıqları tələbələrə beynəlxalq karyera imkanları açır.